The Courage to be Happy

ईचिरो किशिमी यांचा जन्म 1956मध्ये क्योटो येथे झाला आणि सध्या ते तिथेच राहतात. शालेय दिवसांपासूनच त्यांना तत्त्वज्ञानी बनण्याची इच्छा होती. 1989पासून ते अ‍ॅडलरच्या मानसशास्त्रावर संशोधन आणि लेखन करत आहेत, तसंच त्यासंबंधी ते व्याख्यानंही देत आहेत. ते जपानी सोसायटी ऑफ अ‍ॅडलेरियन सायकॉलॉजीचे प्रमाणित समुपदेशक आणि सल्लागार आहेत. त्याच आधारे, ते मानसशास्त्रीय दवाखान्यांत तरुणांना सल्ला देण्याचं कामही करत आहेत. त्यांनी अल्फ्रेड अ‍ॅडलरच्या निवडक रचनांचे जपानी भाषेत अनुवाद केले आहेत. त्याचबरोबर इतर अनेक पुस्तकांसह अडोरा शिनरिगाकु न्यूमॉन (अ‍ॅडलेरियन मनोविज्ञानाची ओळख)देखील लिहिलं आहे.

फुमिटाके कोगा यांचा जन्म 1973मध्ये झाला. ते एक व्यावसायिक लेखक आहेत आणि त्यांच्या रचनांसाठी त्यांना पुरस्कारही मिळाले आहेत. त्यांनी व्यावसायिक पुस्तकं आणि ललितेतर साहित्य लिहिलं आहे. त्यांच्या वयाच्या दुसर्‍या दशकाच्या उत्तरार्धात, त्यांनी अ‍ॅडलेरियन मानसशास्त्राचा अभ्यास केला आणि परंपरागत समजेला आव्हान देणार्‍या त्याच्या स्वरूपामुळे ते खूप प्रभावित झाले. यामुळेच ईचिरो किशिमी यांना भेटण्यासाठी ते अनेकदा क्योटोला गेले आणि अ‍ॅडलेरियन मानसशास्त्राचे सार समजून घेऊन त्यांनी ‘संवाद स्वरूपा’साठी नोट्स घेतल्या. ग्रीक तत्त्वज्ञानाची ही पद्धत या पुस्तकात वापरली आहे.