The Alchemist (Marathi)

प्रस्थापित धर्ममतांशी मुळीच सहमत नसलेल्या पाउलोंना सातत्याने नव्याचा ध्यास होता. 1973मध्ये पाउलो आणि रॉल या दोघांनी ‘अल्टरनेटिव्ह सोसायटी’मध्ये प्रवेश घेतला. वैयक्तिक विचार स्वातंत्र्याच्या हक्कासाठी काम करणारी ही संस्था होती. याच दरम्यान पाउलो यांचं अपहरण करण्यात आलं. पॅरामिलिटरीच्या गटाने त्यांचा छळवाद केला. या अनुभवामुळे पाउलो अंतर्बाह्य बदलले. वयाच्या सव्विसाव्या वर्षी त्यांनी या जीवनपद्धतीचा निरोप घेण्याचा निश्चय केला. सामान्य जीवन जगण्याच्या दृष्टीने ते संगीतक्षेत्रात काम करू लागले. त्यांनी लिखाण करून पाहिलं. 1987मध्ये पाउलो यांनी द पिल्ग्रिमेज हे पुस्तक लिहिलं. सामान्य माणसाच्या जीवनात घडणार्‍या असामान्य गोष्टींची त्यांना आलेली अ नुभूती या पुस्तकातून त्यांनी व्यक्त केली. त्यानंतर एक वर्षाने पाउलो यांनी द अल्केमिस्ट हे सर्वस्वी वेगळं लिखाण केलं.