Pahave Apnase Apan (Marathi)

स्वतः स्थापत्य अभियंते असूनही शब्दांचे इमले बांधणारे शब्दप्रभू ही प्रा. मिलिंद जोशी यांची मुख्य ओळख आहे. गेली कित्येक वर्षं अभियांत्रिकी महाविद्यालयात प्राध्यापक म्हणून काम पाहणारे मिलिंद जोशी लेखन, वक्तृत्व, विविध सांस्कृतिक कार्यक्रमांचे संयोजक आणि विविध साहित्य संस्थांचे पदाधिकारी अशा अनेक भूमिका वठवत आहेत. महाराष्ट्र साहित्य परिषदेचे कार्याध्यक्ष असणारे श्री. जोशी यांनी दिवाळी अंक, मासिके, वृत्तपत्रे यांत विपुल लिखाण केलं असून त्यांच्या सर्वच पुस्तकांना वाचकांचा उदंड प्रतिसाद लाभला आहे. अनेक मान्यवर संस्थांकडून त्यांना विविध पुरस्कारांनी सन्मानित करण्यात आले आहे.